電影《The Iron Claw》存在於認真與被誤解之間，一般人以為表面看似平平無奇，不費吹灰之力，輕而易舉，甚至咩都係假，但實質滿載魔鬼細節。。。
當然，唔會用「隱世」去形容呢間位於太子嘅深夜食堂：「喬」KYOU居酒屋，但係嗰種位置後巷轉入具探秘嘅精神，不期然令人聯想到高手＋魔鬼細節確切信心，說到底，居酒屋，最緊要關鍵係氛圍！而旭師傅全程埋首工作之餘，更不時帶動氣氛，伴著串燒燒物香氣，套上圍裙與大家開一啲無傷大雅嘅玩笑，每道菜式前，更悉心詳細分析、闡述其創意或受啟發嘅概念，有一刻以為自己戴住Apple Vision Pro虛擬「當下」去咗東京 / 大阪居酒屋嚐盡地道美食！
由端上支豆、自家醃漬山根和蓮藕開開胃，佐清酒嘅焗魚乾展開一段愉悅居酒屋體驗之旅，炭爐畔乾身嘅喜之次BB魚＋一串串日本禾稻嘅爆谷，搭配新鮮；而經過旭師傅細心研究以炒鹽手法締造嘅鹽燒牛舌芯，可以一再Encore！至於以豐腴五花腩包裹日本新鮮水果製成嘅「福岡豚肉草莓卷」、「福岡豚肉葡萄卷」，必須分別沾上煉奶、淺嚐房島屋兔心Black清酒，提升一個新層次！旭師傅運用「立鱗燒」方式將日本甘鯛（馬頭魚）嘅魚鱗燒到「站起來」，在上邊灑上日本飄雪鹽加早前焗好嘅爆谷，具有脆脆口感組合。另外以鹽燒日本青椒仔和鹽燒日本秋葵、以豐美汁燒五花腩肉等之後，甜牙齒人士必喜嘅甜品日本淡雪士多啤利十勝紅豆抹茶奶凍，完美捧腹總結經驗！
「喬」KYOU居酒屋
太子花園街239號嘉慶苑地下C號舖
6773 8339
