人人食拉麵各有心水，邊間係No.1確係好主觀，不過全日本公信力最高評分網站Tabelog之中，「麵屋一燈」平均評分高達4.09分，破紀錄連續5年獲為民選日本東京BEST RAMEN及全日本No.1拉麵名店，仲經已開到嚟香港，進駐海港城，睇嚟果幾個鐘頭飛機都可以慳返！
食得「麵屋一燈」，就梗係要食招牌「濃厚魚介沾麵」。喺日本拉麵界囊括各大獎項，魚介雞湯醇香幼滑，仲有被稱為史上最好味嘅叉燒，令人一試難忘。建議大家要喺「黃金十分鐘」內專注享受沾麵，影相呃Like唔好咁耐呀！食完拉麵後，仲可示意店員喺湯底加入熱魚介清湯，將湯底精華一併品嚐。
一燈龍門
特製 芳醇鹽味拉麵
另外帶到香港嘅口味，就有用新鮮雞隻低溫慢煮而熬成清雞高湯嘅「芳醇鹽味拉麵」，同埋期間限定嘅季節拉麵之選龍蝦沾麵「一燈龍門」，尤其後者係糅合龍蝦濃湯同魚介風味雞湯，配埋三款自創沾麵配料：海膽汁、飯素同脆米粒，破格創新，值得試晒咁多款呀！
麵屋一燈
地址：尖沙咀海港城海運大廈3樓LCX 32號舖
時間：上午11時30分 – 晚上10時30分
電話：3102 3299
Facebook：Menya-Itto HK 麵屋一燈
