PMQ緣日祭典唔係第一年搞，之前就帶大家感受沖繩同熊本，而今個禮拜嘅祭典，以《福島有緣日》做主題，將當地美食、文化、旅遊資訊帶到PMQ。我知我知，大家見到「福島」就怕怕，但查實福島縣地方好大，只有10%係輻射禁區，有啲地方同東京只係JR車程兩小時左右，東京呀，都Don't驚呀，又點解驚驚福島？
FLY ME TO THE MOON羊羹
玉嶋屋玉羊羹
老實講，福島縣自然景色向來都好靚，例如三春瀧櫻同花見山就係賞花名所，美食更加唔駛講，種植出全國有名嘅大米，而縣內仲有無數清酒酒造。平民美食方面，醬汁炸豬扒丼、喜多方拉麵、白河拉麵等等，又安全又美味。
輪箱飯
今次，入場人士只要集齊五個體驗印章，就可以換取大會特別準備嘅福袋。仲有呀，浴衣係日本祭典必備項目，大會一如以往提供浴衣租借同髮型設計服務。日本祭典，咪就係咁囉，約定你Weekend喺PMQ見！
福島鄉土玩具不倒翁
【緣日祭典－福島有緣日】
3月3日 (星期六) 下午1時至晚上9時
3月4日 (星期日) 正午12時至晚上9時
地點：PMQ
