此懶人包主要集中除穢方面，所以唔會談及到防水spray。Sneakers嘅護理喺e幾年，受到不少香港人關注，當中以Jason markk最廣為人知。有用過Jason markk等清潔劑嘅朋友，應該都發現佢地對鞋底邊ed膠製地方最起作用，對布料等織物則不大，但係市面上其實有林林總總嘅替代品，而且係更加入屋，容易隨手黏來。
小編認為「橙水」係當中最全面，第一，佢唔洗好似Jason markk咁煩，又要溝水又要等一兩日先乾，佢只係要落少少喺毛巾，再大大力抹。第二，日本城就買得到，唔洗食水貨價或者運費，又唔擔心係假貨。第三，價錢比較低，$40 125ml、60 300ml。另外，白電油用嚟應付油漬更理想，一般WD-40就可以，用法都係落少少喺毛巾再抹。e兩種產品係偏向除污垢，所以懶人可以每次有少少污漬先用。 用咩產品都唔係重點，隻鞋污穢左你一直唔理就神仙都難救， 不過，Jason markk出左一款濕紙巾版本，可以話係最方便最啱懶人用，可惜價錢略貴，不夠平民。
