正值文青風盛行的時代，要搭配一身合格的文青look，復古味一定少不得。復古來講，菲林機一直都備受喜愛，但係買咗部菲林機番去，又有幾多個真係會帶出街影相啊？唔係佢哋唔想影，事實係操作菲林機須要對攝影知識及技術有一定了解，唔係話拎上手就識用。專門推出傳統雙鏡相機的國產品牌海鷗，近排就推出了一款數碼相機CM9。外形似足傳統雙鏡相機的CM9真係好呃得下人，但這2個鏡頭可是內有乾坤。上方的鏡頭其實是一個投影器，可將所拍攝的相片及短片投影出來，同班friend子一齊睇大合照就最啱使。另外下方就是一個真正的攝影鏡頭，具備F1.4超大光圈及24mm廣角拍攝。而且鏡頭玻璃是以藍寶石製成，有超強防刮花能力，相當矜貴。除此之外，機背的4.3吋垂直屏幕加入輕觸功能，尤其對新手來講，操控拍攝時更加簡易。雙鏡相機絕不少得的腰平取景器亦有保留在CM9身上，廠方將其改為一個2.4吋芒。其實機身的操作按鈕都和菲林機非常相似，新手使用時須要些小時間適應，玩開菲林機的用家當然就可以好快上手。唯一遺憾的是，USB的充電速度實在太慢了！而且開啟投影功能的話，電量消耗亦非常快。不過總體來講，CM9是一個新舊科技融合的產物，雖然帶出街稍嫌過重，但都算相當特別，相信會頗受相機收藏家青睞。
售價：$7,500
感光元件：1000萬像素CMOS
光圈：F1.4-F2.3
感光度：ISO100-1600
體積：120x70x70mm
重量：780g
