近日喺網上瘋傳呢幾張相，仲傳到去日本，你以為係日本神人製作，其實係台灣高手！呢個1/6比例嘅模型房，本身就係一間放玩具嘅模型房，所以有噴油抽風箱，仲有大量玩具，而且仲有超細隻嘅渣古同Wing Gundam模型嘅模型，連個電視都真係可以播片呀！
呢位台灣高手叫Hank Cheng，佢喺情人節嗰日就放咗呢條片喺自己facebook，見到部電視播《多啦A夢》，之後睇真啲先知原來連部電視在內，全部都係模型！咁勁，好快就引嚟網民關注啦！佢喺facebook話呢間83cm x 51cm x 47cm嘅模型房，佢用咗超過半年時間先製作完成，有技術又有心機。
