4,200萬円，即係300萬港幣左右，香港好難買到一楝獨立屋，但係日本得，而且包車位，不過就窄窄哋，我指個設計。呢楝好善用土地嘅樓有兩層加個閣樓，位處東京杉並區，而且前面仲有個位可以泊車，係，個車位就同楝樓前方嘅闊度一樣。
全楝兩層接近600呎，係喺2011年3月起好嘅，而家係一家三口住緊，不過啱啱有消息就係呢楝樓放緊盤，據知賣4,200萬円。不過有日本網民就指出，呢個價錢其實都買到間四四正正嘅屋，唔需要住咁窄，不過品味嘅嘢好難講，而且呢間屋隔籬仲係條河，環境真係唔錯。
資料來源
Dailymail
