為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit

專業分「飾」員:《思.裂》VS《Manifesto》

今個星期推介好戲係《思.裂》,X教授James McAvoy一人分飾24個人格,大人小朋友男男女女乜都有,捉走3個美少女玩禁室驚慄。其實同一時間喺美國《Sundance》電影節,另一位演員姬蒂白蘭芝(Cate Blanchett)一樣挑戰一人分飾13角,老師、流浪漢、科學家、Punk友等等。兩位專業分「飾」員都好鬼勁。


《思.裂》終於回勇

《思·裂》(Split)由導演沙也馬蘭(Night Shyamalan)執導,老老實實除咗佢套成名作《鬼眼》(The Sixth Sense),之後佢嘅作品我都好麻麻,例如《破天·慌》(The Happening)同《末日1000年》(After Earth)都幾驚下,但呢套終於叫回勇。人格分裂男生KevinJames McAvoy飾演)捉走3個美少女,原來因為其中兩個人格Dennis Patricia準備培養出第24個人格,呢3個女仔就係所謂嘅「神聖食物」,用嚟餵大佢……

戲中個禁室地牢異常光猛,但緊張氣氛都營造得唔錯,係心理上嘅追逼,唔係拎住斧頭劈劈劈嗰種。沙也馬蘭最鍾意故弄玄虛整個出人意表結局(其實可能係觀眾俾佢嘅期望,佢走唔出個框框),之前啲片有啲橋扭到勁過葉念琛,今次無為扭而扭,但我梗係唔會爆!唯一可以講彩蛋同佢2000年作品《不死劫》(Unbreakable)有關。呢套係繼佢《鬼眼》之後最好睇嘅作品,講人類潛能,係套非主流超級英雄片,當年主角
Bruce WillisSamuel Jackson,一直有指《思.裂》暗地係《不死劫》續集,你可以睇返再研究下。

Manifesto

早於2015年已經拍好,其實呢個係一個藝術計畫。影后姬蒂白蘭芝(Cate Blanchett)一人分飾13個不同時代嘅人物,講出13位藝術家嘅「藝術宣言」。15年時德國雜誌《Monopol》就公開咗每個角色嘅相片,「嘩呢個流浪漢係邊位?」仲有老師、工人、Punk友、布偶製作人、新聞報導員、編舞家等等。《Manifesto》現時正在美國最著名獨立電影節《Sundance》上映中,唔知有無電影公司會買嚟香港上映呢?


Tag : 演員電影