《多啦A夢》成日都有新嘢出，不過今次係日本推出，而且仲係郵便局限定發售，難買就自然更加想買。今次推出嘅碗碟種類有三套，首先有「四次元ポケット皿セット」，即係用舊版嚟講就係叮噹個百寶袋，襯埋墊枱布又係幾靚嘅。另一套就係「ウソ800小皿セット」，即係道具「謊言800」，喺動漫入面係個盒，盒入面有支藥水，飲咗之後所有講嘅嘢都會變成謊言，呢個係連埋另一個細碟嘅。最後一套就係「アンキパン皿セット」，呢個我哋都好熟啦，就係記憶麵包呀，考試前真係必食嘅。
三套碗碟都係喺日本郵便局發售，網上優先數量限定發售至2月28日，之後郵便局就要等到3月1日至5月2日會接受預訂，一套價錢3,000円，兩套就5,000円；而「記憶麵包」嗰set就平啲，賣2,500円一套，兩套4,000円。
官方網站
https://www.shop.post.japanpost.jp/shop/pages/doraemon_shokki.aspx
