《孤單又燦爛的神－鬼怪》孔劉大叔心口插咗把劍差唔多成千年，要搵鬼怪新娘拔走，近嚟人人都學孔劉大叔，用美圖秀秀喺自己心口key把劍！例如馬來西亞藝人謝佳見、唱《鬼怪》OST嘅韓國藝人Roy Kim等等，當然仲有大量素人fans啦～有人仲發揮無限創意，插到一身都係，寵物都不能幸免！
馬來西亞藝人謝佳見
Roy Kim十分有型！
狗狗你主人整蠱你，你知道嗎？（不過應該知道都沒所謂）
IG上有大量朋友扮《鬼怪》，女fans居多，打側影就最傳統。
韓仔自己都有App有得加《鬼怪》把劍，你睇下呢位大叔，睇嚟用嚟切三文治唔錯。
至於香港朋友、唔識睇韓文嘅朋友點先有得揀《鬼怪》把劍？首先梗係要download「美圖秀秀」App，喺「素材中心」揀「貼紙」，就會見到有把劍揀，可以發揮你嘅創意無限玩。
