《女媧日記》會寫咩呢？係咪寫佢點識Dr. Strange呢（左下角呀你睇下）？因為內地1月頭播出嘅網劇《女媧日記》張海報，唔知做乜竟然出現疑似Dr. Strange，其實成張海報都係抄（參考、致敬）2014年嘅《變種特攻：未來同盟戰》，而另一款海報背景都好大個「X」字……
個故仔講，女媧之子果兒得知自己身世之謎後，同鬼族一齊踏上尋找女媧聖物之路，但中間就會有鬼族反派出嚟搶嘢，而引發出一系列英雄故事。
喂，完美解釋咗張海報點解係咁喎！英雄故事喎！有X-Men同Dr. Strange，好合理！《女媧日記》仲有上中下三部曲，而家騰訊視頻有得睇，條預告個感覺有少少似TVB套《殭》，有無人想陪我挑戰？
