為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit

愈期待愈怕爛 2017年必睇動漫真人電影

每次話有日本動漫作品改編拍真人電影,第一個反應係興奮,之後就會擔心,如果導演靠唔住、演員
還原度低,作為忠粉只能傷心繼而灰心。一邊驚住一邊期待,雖然明知變成真人版十改九爛,但到頭
來咪又係入場睇。咁耐以嚟,有冇邊部動漫改編真人電影令你滿意?今年上映呢幾套有冇機?

《銀魂》黃金陣容 7月上映
咁多套中,呢套嘅陣容最強,而且搞笑為題材應該最大可能成功。主角「坂田銀時」由小栗旬演出,
「小栗旬之助」唔知有冇份。之後仲有千年一遇橋本環奈演「神樂」,fans最期待佢挖鼻同嘔吐;之
後仲有菅田將暉演「新八」、長澤正美演「志村妙」。至於導演,就係福田雄一,雖然《變態超人》
真人電影都係出自佢手,不過佢都拍過日劇《勇者義彥》,落差好大,要摶。

網站
https://wwws.warnerbros.co.jp/gintama-film/

《JoJo奇妙冒險》唔夠高 8月4日上映
動漫拍真人版,呢套都算難,首先入面啲主角個個洋人輪廓同高度,除非全部角色都由北村一輝演,
否則都好難似。仲有「JoJo立」呢?身體柔軟度都係一個問題。今次拍真人版嘅係第4部,而且會分
唔同章節,《ジョジョの奇妙な冒険 ダイヤモンドは砕けない 第一章》8月上映,主角「東方仗
助」由山崎賢人演出,先唔好講佢有冇報大數,178cm高嘅佢都同動漫中185cm高度爭一截,雖然睇咗
第一個造型都比想像中好,但都係危機四伏啦。其他角色包括有「広瀬康一」會係神木隆之介、「虹
村億泰」就係真劍佑、「空条承太郎」係伊勢谷友介(呢個最似)、「片桐安十郎」係山田孝之、「虹
村形兆」嘅岡田将生、「山岸由花子」嘅小松菜奈、「東方朋子」嘅観月ありさ。

網站
https://warnerbros.co.jp/movie/jojo/

木村再演古裝《無限の住人》 4月29日上映
同2006年上映嘅《武士の一分》相隔10年以上,啱啱拆咗夥嘅木村拓哉再演古裝電影,做不老不死嘅
主角「萬次」,另外仲有杉咲花演「浅野凜」、福士蒼汰演「天津影久」、市原隼人演「尸良」、戶
田恵梨香演「乙橘槇絵」、市川海老蔵演「閑馬永空」、山崎努演「伊羽研水」、田中泯演「吐鉤群
」、北村一輝演「黒衣鯖人」、栗山千明演「百琳」、満島真之介演「凶戴斗」!

網站
https://wwws.warnerbros.co.jp/mugen/


《鋼の錬金術師》意大利拍攝 12月上映
165cm高嘅山田涼介演「愛德華」,高度最似啦。暫時比較期待,因為去咗意大利取景好認真之餘,
第一條特報影片都好有氣勢,而且導演曾利文彥喺2011年拍過同樣改編自動漫嘅真人版《鐵拳浪子》
,個人覺得係好唔錯嘅。其他演員陣容包括本田翼、佐藤隆太、松雪泰子、本郷奏多等。

網站
https://wwws.warnerbros.co.jp/hagarenmovie/

《東京喰種》得海報 2017年夏天上映

暫時得張海報,海報中見到主角窪田正孝,佢喺呢套《東京喰種 トーキョーグール》演嘅係主角「
金木研(カネキ)」。有睇新版日劇嘅真人《死亡筆記》,應該記得呢個新夜神月啲戲有幾誇。其他
演員有清水富美加演「ヒロイン・トーカ」、鈴木伸之演「亜門鋼太朗」、蒼井優演「神代利世」、
大泉洋演「真戸呉緒」,導演係萩原健太郎。

網站
https://tokyoghoul.jp/


Tag : 動漫電影