一再重溫《The Alpinist》紀錄片，當中那種對攀山嘅執著與熱忱，直至燃燒生命到最後一刻亦在所不惜，賦予頗大衝擊！而BANDAI NAMCO ASIA監督嘅嶄新品牌Bumpin’，同樣擁有以透過唔同衝擊和碰撞精煉出獨一無二及優秀產品嘅品牌精神，其中會與好多唔同界別嘅設計師、藝術家合作，讓多方設計意念交流碰撞，另外會歷經無數次測驗、加工、分解或合成，從而選用最合適嘅物料，重視每一個細節之餘，更著重設計概念、多元化印刷技術及匠魂精神。第一彈產品就邀請咗多位插畫師合作，以《PAC-MAN》食鬼及《TEKKEN》鐵拳兩大電玩為主軸題材，締造出多款極搶眼圖案嘅手機殼，當中以Logan Lubera設計、大玩《大白鯊》元素嘅食鬼最具亮點！
至於品牌第二彈商品亦已率先公布聯乘名單，極具人氣動漫作品包括《火影忍者》、《我的英雄學院》、《機動戰士高達SEED》及《咒術迴戰》，商品將於11至12月陸續登場，超期待！