就係追求嗰種遺世獨立獨一無二Uniqueness先夠特別，總之就係要不一樣，與其他人唔同啦！
可能關乎身份認同，又或接受唔到個個都好似倒模出嚟複製人咁一模一樣，不甘於平凡～～

好似筆記簿品牌MOLESKINE日前於中環ifc開設全港首間「MAKE YOUR OWN MOLESKINE」概念店，化身創作體驗空間，提供多種自訂筆記簿體驗 / 訂造客製化筆記簿「個人化服務」，大眾可以發揮創意，展現藝術才華美學觀念，締造出獨到別具特色專屬筆記簿。憑藉首部「個人設計筆記簿裝置」，可以選擇自己鍾意嘅筆記簿款式、顏色，然後運用創意根據當中提供嘅公仔圖形 / 圖案、文字 / 字款，如「MOLESKINE x PEI CHUNG系列」、理工大學設計學院同學以香港為題嘅設計、香港插畫家社畜辦公室嘅可愛設計等，（大小不一、不按比例、多角度、唔同顏色）自由拼砌 / 拼字 / 拼貼，即場設計 / 製作出屬於自己嘅筆記簿！
另外，可以因應自己喜好為MOLESKINE封面賦予一串獨特束繩串飾、貼紙，例如字母、星座、附號等。亦具有即場燙印服務，於筆記簿上印下獨特名字或心情密碼！

慶祝新分店開幕，MOLESKINE邀請本地人氣藝術家皮忠聯袂合作「MOLESKINE x PEI CHUNG系列」，以世界名畫為主題，將（MOLESKINE用家）Pablo Picasso、Vincent van Gogh、Andy Warhol等大師名作，注入自己天馬行空想像力畫風＋MOLESKINE元素Reimagined重新構想，如「梵高自畫像」中梵高竟然揹一個MOLESKINE背包，具巧思玩味，亦向名家 / 畫作出致意！

MOLESKINE「MAKE YOUR OWN MOLESKINE」
中環國際金融中心Shop 2015
9250 8622