暑熱天，好應該似《The Bikeriders》同仇敵愾嘅三五知己成群到開揚私密空間Chill & chit-chat大快朵頤暢飲一番，散一散熱，例如到觀塘駿業街樓上新開嘅麵店POP Noodles嚐新鮮湯麵；先伴著凍飲來兩道芥末白玉耳和脆炸鮮奶 / 脆皮春卷前菜，脆口開胃，而主打麵食之一雲吞酸辣湯麵配台灣扁麵（或可轉上海麵），具特色滋味麵勁，夏日驅濕氣恩物；店主推介一日可賣成七、八十份嘅本店名物：胡椒豬肚雞花甲湯麵，麵店湯頭濃郁鮮甜，融合微辣胡椒味、鮮甜花甲，爽脆雞滑豬肚，醒神！至於份量十足嘅上海排骨菜飯，名不虛傳，佔滿一整碟，外酥香脆內多汁，飽肚滿足之作！

POP Noodles泡泡麵館小廚
觀塘駿業街64號南益商業中心6樓C室
2754 7620