於2020年開業嘅本地精品咖啡共享空間Between，港島區打好根基後，首度進駐九龍開設首間分店！
強調提供優質咖啡、輕食與特色飲品為主軸理念，Between尖沙咀海運大廈新店採用嶄新設計刻意與過往店舖有極大分別，無論主色調或標誌都令人有全新觀感，當中食品展示櫃與特色鏡子牆都係極具辨識度嘅打卡位！
慶祝九龍新店開幕，除咗供應現有招牌食品及飲料，如各款咖啡與Sando三文治之外，更會推出（暫時只於海港城分店供應）8款全新特調飲品，破格創作出混合以清爽果味為基調嘅飲品與中國茶，當中包括紫米椰奶雪山、鐵觀音拿鐵、伯爵茶鴛鴦、煙燻石榴薑茶、桔蜜青檸梳打、草莓香蕉果昔、菠蘿蜜桃四季春、熱情果咖啡梳打，適合一家大細好好享受！
新開張當然有新店優惠，即日起至9月30日，Between會與本地著名冬甩烘焙店Hole Foods合作，限量供應兩款冬甩，包括特別為Between創作嘅鐵觀音麻糬口味，以及原有經典朱古力忌廉口味。
Between 海港城新店
尖沙咀海港城海運大廈G16A號舖
#betweenlife
