係呀，就係呢種屬於家鄉嘅味道！
被濃濃嘅蛋香包圍，就好似仲夏返咗鄉下一樣！
「Tamago-EN たまご園」以沖繩直送新鮮雞蛋創造出各式各樣蛋料理而揚名，呢間人氣創意玉子料理專門店特別採用由沖繩3大著名農場之一嘅瀨底養雞場特別為其獨家生產嘅雞蛋，以艾草、海苔和粟米等極具營養嘅飼料餵飼母雞，所以蛋黃呈現出鮮橙色，雞蛋色澤級數平均達到日本雞蛋評級15 Fan（最高級為16 Fan），加上經過特別殺菌程序後達至可直接生吃嘅高品質！
早前「Tamago-EN たまご園」特意推出一系列夏季限定新品，當中首選份量十足嘅超厚吉列豚三文治配薯條，啖啖外酥內嫩吉列厚豚肉，配上招牌沖繩半熟蛋及日本大阪燒汁，完全滿足到好掛住好懷念日本三文治嗰種感覺！另一夏季限定Menu大注目之作，必屬鮮芒果熱情果梳乎厘班戟及伯爵茶梳乎厘班戟配青葡萄，好甜品嘅嗜甜人士Must have，梳乎厘班戟以沖繩雞蛋製作，極具濃郁蛋味，完全達至日本人最高嘅FuwaFuwa (蓬鬆) 鬆軟口感境界，加上極開胃醒神嘅鮮芒果＋熱情果汁，又或英國Twinning茶葉每日新鮮調製嘅伯爵茶醬，再配埋沖繩生蛋黃調製嘅芒果鮮奶特飲，爽！
一輪猛攻之後，來到鎮店之寶，屬於打卡必食之選：牛油果三文魚親子終極TKG生雞蛋拌飯；TKG係生雞蛋拌飯（卵かけご飯）Tamago Kake Gohan嘅縮寫，Tamago即蛋（たまご），Kake＝拌（かけ），Gohan＝飯（ごはん），完全展現出日本人嘅尊重及認真，因為雞蛋新鮮程度、質素、米飯以至拌飯方法，都係造就出一碗終極TKG嘅必備元素。沿著店內指示將醬汁、蛋黃倒進Tamago-EN廚師特意發打成如雲朵狀嘅蛋白＋宮城縣揚名「特A級」優質「一見鍾情米」飯裡拌勻，再根據自己口味撒上適量飯素，締造出桌上完美旅程最齒頰留香蛋味濃回味無窮深刻印象嘅一道美景，亦完全見證TKG係生雞蛋拌飯嘅上級魔力！
#tamagoen #tamagoenhk #玉子料理 #日本料理 #蛋料理 #EatFRESHLiveFRESH #夏日限定 #甜品 #期間限定
