GODIVA，人人都知道係買朱古力，最多可以買埋軟雪糕，但而家終於有堂食喇！GODIVA時尚生活咖啡館晨早已經進駐上海、北京、台灣、新加坡、倫敦等地，勁多人打卡呃like，直到而家先至首度登陸香港呀！9月29日（即係今日）終於喺元朗YOHO Mall形點開幕，更加係全球第一間有全新設計概念（?!）嘅時尚生活咖啡館。老老實實，都係咁設計啦，但係有得堂食打邊爐，算係幾新鮮！
GODIVA打邊爐，當然係朱古力火鍋啦，各款生果、馬卡龍、乾果等等，擺入濃濃嘅GODIVA朱古力火鍋，非同凡響呀。堂食仲可以揀兩位用嘅High tea set－金緻典藏下午茶，包括迷你Opera cake、鬆化餅底嘅迷你White chocolate blueberry cake、自選口味嘅Chocolate ice cream等等，加埋法式鹹派、飲品等等，一時間成個人都好似升咗呢咁，10月逢星期六日嚟到仲有唔同優惠添，到場留意喇！
【GODIVA 時尚生活咖啡館】
地址：元朗YOHO Mall形點一樓1043A
