Kila Cheung
畢業於香港理工大學
從事插畫3年
一隻又喊又笑嘅公仔，你又有沒有看過？由他所創作的小明，就是這樣！在香港土生土長的Kila，其實在做插畫前都有讀過有關電腦方面的科目，到了解自己想要的方向，才真正接觸設計這個範疇。「讀番關於設計嘅科目，的確搵到自己嘅目標。畢業之後都有做一啲平面設計嘅工作，多咗唔同嘅設計經驗，而都開始創作自己嘅作品。而第一次有關自己嘅插畫工作，就係一位女作者林穎心，去幫佢本散文畫插畫，就覺得原來都會有人欣賞自己嘅作品，因為其實做設計同自己做插畫係好唔同，做設計係你要去畫出人哋想要嘅嘢去滿足其他人，而做插畫係人哋欣賞你嘅畫風而去搵你幫手，個心態係好唔同。而我嘅作品多數都係用水彩為主，畫畫下就設計咗一個角色出嚟，佢就係小明啦，發覺畫入面有佢喺到其實都幾有趣，所以之後嘅作品都將佢溶入作品到，成為一個icon，可以畫多啲唔同類型嘅插畫故事。其實小明都算反映住我自己個人嘅形象，創作佢嘅時候，都將自己嘅性格又或者優點缺點等等，用呢個方法去表達出嚟，有好多人都成日覺得佢係喊緊，但細心啲留意，其實佢個咀係笑緊嘅，其實係想表達一個直嘅性格，將所以感覺表情都直接表達出嚟，唔會收收埋埋，之後嘅作品多數都會圍繞住佢嚟設計。同埋題材都會選擇番一啲現實生活當中嘅事物去畫，但可能就會喺唔正確嘅場合出現，就好似可以喺現實搵到啲唔現實嘅浪漫。而今年都用咗小明呢個角色去做咗60隻figure去台灣嘅玩具展出售，反應都出奇地好，所以嚟緊都會想推出另一個女仔角色去做fugure，同埋準備緊去台灣舉辦一個聯展，希望可以繼續keep住創作自己嘅插畫同立體作品。」
