「耳機盒」作為一個載體，真係有無限可能性，只要有想像力及無畏創新精神，就可以衍生好多驚喜！

好似建基於香港嘅耳機品牌thecoopidea揚名BEANS耳機系列第6 代最新嘅BEANS DON真無藍牙線耳機，就係以同音字「便當」為主軸設計概念，今回除咗音色與功能升級如締造完美低音6毫米石墨烯振膜動圈單元、防干擾及有效提升頻寛嘅陶瓷晶片天線、IPX5 防水防汗功能、藍牙支援5.2之外，更具有首創免費自訂機身文字打印服務，耳機充電盒及只重4.8克嘅單邊玻璃面耳機上面可以印字或自訂字符，依據個人喜好，締造獨一無二專屬耳機！只要於 thecoopidea.com 官方網頁預訂，選擇購買型號後，輸入要打印字符，然後結帳，交易完成後 14 個工作天內就會收到產品啦！

值得一提，今回BEANS DON備有3款設計選擇：玻璃面黑白大理石紋、黑、白及粉紅3色鏡面、以及再度與Sanrio聯乘，推出「夾公仔」及「扭蛋」主題嘅Hello Kitty、Little Twin Stars及Cinnamoroll 圖案，都會有鏡面或者實色背景（實色背景只限官網有售）選擇，Cute！耳機及充電盒採用嘅玻璃面全部以石英玻璃 6.5H 材料製成，可防刮花。充電盒配有磁石貼，防止耳機意外跌落。BEANS DON只需1個鐘即可為充電盒儲滿電，播放時間長達 30 小時（耳機為 7 小時 + 充電盒可續航 23 小時）。除咗插上接線充電，BEANS DON亦可以使用所有無線充電板充電。