慶祝創立75周年嘅音響品牌Sennheiser，釋出MOMENTUM True Wireless 2第二代真無線耳機，改良人體工學設計，比初代細小2毫米，更加舒適貼耳之餘，電池壽命比第一代長近一倍達7個鐘，連同簡約輕便充電盒，可擁有28個鐘嘅電量！

新一代無線耳機備有嶄新主動降噪功能，配以被動隔噪技術，喺喧囂紛擾雜音城市入面可獨善其身，享受聆聽體驗；當然亦可按動Transparent Hearing外部感知功能，對周遭世界危機環境聲音瞭如指掌。耳機搭載Sennheiser德國總部設計及生產嘅7毫米動圈驅動器，展現份外震懾低音、率性自然中音、通透明亮高音，配合Smart Control應用程式或內置平衡器，隨自己心情 / 歌曲類型輕鬆調校至心水音色領域！

另外支援藍牙5.1及AAC和Qualcomm® aptX^TM等最先端高清音訊轉碼器、具備Smart Pause智能暫停功能、達IPX4防水級別、而且具有黑 / 白兩色之選，作為父親節禮物，亦係自用首選！