對於機不離手嘅人士（包括小編），當然絕對見慣不怪。。。

攝影師Eric Pickersgill「Removed」系列作品將手機從照片中移除，展現真實生活中嘅互動，呈現科技如何影響人際連結，探討人類對科技、社交媒體和互聯網嘅集體依賴。

靈感源自於咖啡店入面觀察到一家人雖然一齊坐，卻完全沉浸於各自手機中嘅場景，儘管佢哋身體上很親近，但之間嘅情感距離卻令人難以忽視，透過作品捕捉大眾雖然相聚卻情感疏離嘅畫面。
「嗰一刻，你見到一啲如此尋常嘅事情，以至於你震驚意識到正在發生嘅事情，並且難以忘懷。」

關於呢個系列常見嘅誤解：一般認為手機係經過Photoshop處理，但事實並非如此。「作品在拍攝照片之前，我會要求大家保持靜止，然後我會將手機從佢哋嘅手中移走」，營造出與朋友、家人甚至陌生人「定格」合作。系列強烈提醒大家，現實生活中，有時應該停一停，Disconnect，全心投入與身邊人相處。
Eric目前正與Snap Collective合作，為他即將出版新書《REMOVED》展開預購，而佢嘅作品由紐約Rick Wester Fine Art代理～～