《牛津英語詞典》出版商Oxford University Press牛津大學出版社將「Brain rot」（腦腐爛 / 腦殘？！）評為2024年年度詞彙Word of the Year！

呢個術語受到Gen Z及Gen Alpha歡迎，強調對社群媒體影響嘅自我意識，被定義為「一個人嘅精神或智力狀態惡化」，通常用嚟形容過度接觸低品質社群媒體、被認為瑣碎微不足道或冇挑戰性網上內容對大腦造成影響導致智力衰退嘅現象，呢啲內容通常缺乏連貫嘅敘述，就好似無盡咁睇TikTok。。。

2023年至2024年間，「Brain rot」使用頻率增加咗230%！反映出大眾對過度接觸低品質線上內容（尤其係社交媒體上）影響嘅日益擔憂！

儘管「Brain rot」今年於流行文化中快速崛起，不過「Brain rot」並未出現於《牛津英語詞典》之中，正如2023年「Rizz」、2022年「Goblin mode」都冇出現過一樣，而正如《紐約時報》所指出，牛津大學從來自英語媒體超過260億個單字龐大資料庫中提取數據，以準確定位影響呢一年嘅「情緒和對話」。