香港年輕本地品牌嘗琉珍，早前與人氣YouTuber點Cook Guide馬田首度合作推出「手工製作茶點套裝」，絕對係下午茶、消夜時間嘅美味之選！

作為本地年輕品牌，嘗琉珍一向致力為顧客搜羅香港及台灣兩地嘅高品質食品，並於兩地自設廠房，全人手手工製作茶點，其中夏威夷果仁手工豆塔絕對係招牌產品，不但嚴選頂級夏威夷火山豆製造，酥軟塔皮上面，更放上由台灣每星期直送嘅堅果，加上蔓越莓還有麥芽糖香氣，每一口都飽嘗到豐富層次感和新鮮滋味。

另外，嘗琉珍一系列手工製美食如蝴蝶酥、杏仁酥、奶香伯爵曲奇、綜合堅果酥球曲奇及麻辣花生等，都係港台兩地超高人氣嘅食品。當中，綜合堅果酥球曲奇更備受本地人氣YouTuber馬田推介。廚藝出色嘅馬田，自家YouTube頻道點Cook Guide訂閱人數目前已直迫100 萬，受歡迎程度不斷上升，經佢讚好嘅手工茶點，當然係信心保證，值得一試！嘗琉珍與馬田首度聯乘合作推出「手工製作茶點套裝」，一盒有齊6款美食，當中包括夏威夷果仁手工豆塔、杏仁酥、蝴蝶酥、麻辣花生、奶香伯爵曲奇以及綜合堅果酥球曲奇。