講起法國，大家可能會停留喺古舊唯美嘅感覺，不過當地南特市嘅機械島將會打破你對法國固有嘅印象，帶你走入一個奇幻的國度！當地人為表揚同紀念一位名為儒勒‧凡爾納嘅科幻小說之父，不但於當地興建紀念博物館，仲建造一個以舊式機械工業為設計藍圖嘅機械主題樂園。整個園區以儒勒‧凡爾納筆下嘅世界觀作為創作靈感，雖然仍然在建構當中，但整個樂園暫時可以分成五個區，包括：巨象、鷺之樹、海洋世界、機械長廊和工作坊。
根據儒勒‧凡爾納小說入面嘅描述，佢對將來科技層面嘅想像相當獨特，於他身處嘅時代裡面可謂非常劃時代同突破。到咗二十世紀先至出現一個專有名詞可以將佢套concept嚟個全面嘅詮釋－就係"Steampunk"，即係以蒸汽作動力，並將之轉化為無限嘅推動力，用來引入生活層面嘅各種器具同交通工具，原理接近現今嘅核能電力。而據儒勒‧凡爾納筆下形容，雖然概念非常先進並超現實，但佢眼中嘅景象卻如同維多利亞時代風格般典雅懷舊！其實做完上述research，我用一句大概總結到，就係：類似宮崎駿嘅哈爾移動城堡feel。點都好，以呢個概念起主題樂園，係幾新鮮嘅！如果大家有機會去法國，唔洗吓吓都romantic嘅，不妨體會吓新嘅感覺！
有興趣可以click入官方網址研究吓：
https://www.lesmachines-nantes.fr/en
text|YK