父親節，本來最啱一家大細共享天倫樂；點知公事纏身，老婆帶兩個乖女去度假，自己就要獨留家中做好份工！捱到半夜三更悶悶地之際，竟然有兩個花樣女子拍門求助，想借宿一宵…呢個時候，你估，一個平時擔屎唔偷食嘅住家男會點做？

荷里活鬼才艾利羅夫，唔止演技出色，編、導、監製、剪接、甚至音效配樂都難唔到佢。2005年自編自導及監製驚慄片《殺人慾室》(Hostel)，大放異彩，贏得多項國際影壇大獎。之後艾利羅夫拍住大導演昆頓塔倫天奴(Quentin Tarantino)及羅拔洛迪格斯(Robert Rodriguez)，玩票式客串執導《希魔撞正殺人狂》(Inglourious Basterds)、《索女‧喪屍‧機關槍》(Planet Terror)及《玩命‧飛車‧殺人狂》(Death Proof)等CULT片之後，今次再度回歸驚慄世界，自編自導及監製《夜半女敲門》(Knock Knock)；話俾男觀眾知，夜半敲門要小心！亦溫馨提示女觀眾，無論老公幾咁正人君子，都有可能越軌，玩死自己同埋屋企人！

故事取材自1977年老牌導演Peter Traynor經典驚慄名作Death Game。兩位南美裔索女羅倫莎伊素(Lorenza Izzo)及安娜迪艾瑪絲(Ana de Armas)，在片中不止有血腥暴力場面，更有色誘奇哥的火辣辣床戲，可謂瞓身演出。難怪辛丹斯電影節影評(Sundance Film Review)都大讚演員出色，仲話加埋近年特技日新月異，令《夜半女敲門》嘅驚嚇感更勝舊作！

夜半敲門  一夕風流  惡夢隨即開始…
奇洛里維斯(Keanu Reeves)飾演建築師Evan，事業得意、家庭美滿，過著令不少人艷羨的生活。一個風大雨大的晚上，一次夜半敲門，兩個自稱蕩失路的女子，令這名行得正企得正的好男人跌落死亡陷阱！當時碰巧妻女離家度假，Evan敵不過美色當前，實行英雄救美，決定收留兩女在家暫住一晚，更得到兩個靚女以身相許報答！不過，估不到一夜風流之後，就是惡夢的開始！堂堂男子漢俾兩女玩到甩皮甩骨，隨時死咗都冇人知！（上映日期：11月12日）

《夜半女敲門》優先場
日期：11月11日 (星期三)
時間：9:40pm
地點：MCL 康怡戲院 (3院)
*憑票入場，不設劃位，先到先得，座滿即止

《TOUCH》將送出《夜半女敲門》優先場戲飛30張，即時登記成為《TOUCH》會員，參加Jetso，得獎者可得戲飛兩張，數量有限，送完即止。得獎者將獲電郵另行通知，對於本抽獎如有任何異議，《TOUCH》保留最終決定權。