小時侯沉迷玩換衫公仔，只需把衣服剪下再扣實少女公仔即可變身，時至今日，這2D平面玩意驟然變成3D立體玩法，仲可以著上身。日本3M最近有個PAPER FASHION企劃，於網頁中有童裝、裙妝、不同袋款的紙樣，仲有不同花款的紙可揀，只需print出來，再以3M黏實即可穿上身。

整個製作過程不用針線，只需使用黏力強的3M膠紙，十分安全，連小朋友都整到。既可與小朋友同樂，亦可即時著上身，有成功感之餘亦可享受親子樂。

完成品仲好有型，條褲個cut仲有幾少comme des garcons味道，好有型！

網頁仲有其他裙裝、褲及帽的紙樣，可自行揀心水款式D.I.Y.！

圖片及資料來源：LINK

text|Cathy