日本的食材就是新鮮好味，肉甜菜爽海鮮肥美，早前我們就應日本農林水產省的邀請，到ABC Cooking studio利用日本食材製作了三味融合日本與廣東風味的料理，雖然有點手忙腳亂，但放心，大家食完都冇肚痛，仲健健康康。

這次我們要兩小時內煮好新廣東料理「黑醋野菜咕嚕肉」、宮城鄉土料理「鮭魚子飯」及山形鄉土料理「芋頭鍋」，大家對頭兩款應該好熟悉，最後的「芋頭鍋」其實有點似雜菌牛肉湯，而用上的日本芋頭是白色一小粒，外型似馬蹄，吃的時候又覺得似糯米，很有趣，加上用了大量清酒煮成的湯底，男士應該會非常喜歡。

「黑醋野菜咕嚕肉」我覺得是當中最特別的菜式，因為平日我們食開的咕嚕肉都是一件件半肥瘦豬肉，今次我們則使用肉片捲成小肉卷，再沾上炸漿半煎炸成咕嚕肉，咬開時的鬆化程度及肉汁都比平日食的豐富，而且沒那麼肥膩，當然也因為用上了日本食材的關係啦，但這個新式「咕roll肉」大家真的可以在家一試！

至於「鮭魚子飯」就最簡單，大約半小時即可完成，用昆布湯先煮熟三文魚，拿起備用，再用熟魚的湯當水煲飯，弄碎三文魚後將兩者混合，再在上面加上新鮮三文魚子及紫菜碎，搞掂！家中有小朋友或者老人家的朋友可以試做，用來開party或在男朋友前一展廚藝都唔失禮，當作一人前晚餐亦得！

煮完之後，有燗酒師五嶋慎也先生（燗酒師是專門研究如何改變酒的溫度，去配合不同菜色）為大家講解如何選用清酒，令這三度菜更美味，次序分別是雁木配「黑醋野菜咕嚕肉」，「鮭魚子飯」則配IWC受賞酒日輪田，「芋頭鍋」就是奥の松。

今天（8月15日）他們會在「香港貿發局美食博覽2015」，向大眾介紹日本食材及清酒，例如以下的講座

從葡萄酒看日本清酒講座
日期及時間：8月15日  16:45-18:00
講者            ：香港葡萄酒教育中心導師、多啦A夢
攤位位置    ：Hall 5B-C日本館舞台

就算錯過了的朋友，平日都可以多留意日本食材，真係誠意推介大家做「鮭魚子飯」同「咕roll肉」！

text...iris