Binge-watching追看Guy Ritchie創作嘅劇集《The Gentlemen》，見證「一個字頭的誕生」，身為貴族都會有貼地之時！
至於今日新登場嘅嶄新Nothing Phone (2a)，係一部較親民 / 合理價錢就可以擁有、以旗艦智能手機Phone (2)為基礎、加倍關注核心用戶需求、賦予創新技術和設計嘅新作！
Nothing智能手機系列中最薄邊框、螢幕四邊邊框尺寸僅2.1毫米嘅Phone (2a)， 搭載Nothing與MediaTek獨家聯合設計天璣（Dimensity）7200 Pro功能強大處理器、由Nothing TrueLens引擎驅動5,000萬像素雙後置相機鏡頭、6.7吋高亮度柔性AMOLED顯示器、屏幕峰值亮度1,300尼特、最高刷新率120Hz、刷新率範圍在30Hz-120Hz以及容易操作、加入更多Widget小部件嘅最新作業系統Nothing OS 2.5，更配備Nothing手機迄今為止最大嘅5,000mAH電池容量，完全充電後使用時間最高可達兩日，支援45W快速充電，充電20分鐘即可提供50%電量。
Phone (2a)擁有業界首創90°一體式外殼，環繞邊緣，同時覆蓋好似「眼睛」嘅雙後置鏡頭（將鏡頭放置於手機NFC線圈內）；另外今回以較簡約方式於手機背面呈現Nothing標誌性Glyph Interface，憑藉三條燈帶設計透過燈光和聲音模式展示出重要資訊，亦保留Phone (2)新加入功能包括利用融合第三方元素嘅Glyph Timer與Glyph Progress，當然，其獨特設計語言介面＋如書本包裝設計，依然矚目。
值得一提，Phone (2a)具有智能手機中最低嘅碳足印，只有52公斤，比起Phone (1) 還要少12.5%。達至可持續發展，Nothing於製造工廠開發出一種全新回收工藝，可以重新利用Ear (2)生產線中嘅塑膠廢料，將其添加到Phone (2a)之中，Nothing兌現零塑膠包裝承諾，利用再生纖維製作包裝。而Phone (2a)本體亦包含好多回收材料，如中框採用100%再生鋁、7塊電路板採用100%再生錫、主電路板100%再生銅箔、22個鋼壓零件採用再生鋼、超過50%塑膠零件均採用永續材質等！
Phone (2a) (8GB + 128 GB) 黑 / 白色 HK$2,599 Phone (2a) (12GB + 256GB) 黑 / 白色 HK$2,999
