【金工.小意思】
從事咗時裝設計廿多年，一直對首飾有濃厚興趣，上年開始經友人介紹，認識咗好多金工師傅同Jewellery artists。
而家香港的金工師傅基本上有兩個年代的人。第一類就係佢哋細細個就學師，經歷香港七十 / 八十年代首飾製造業高鋒的傳統師傅。佢哋身經百戰，眼手運用，千變萬化，數口又精，鬼鬼馬馬。不過現在大部分都六、七十歲，仲會繼續做金工，我認識的，大都係對珠寶製作超有Passion，有種情意結。
另外一類就係二十幾三十多歳，響外國讀珠寶首飾，強烈個人風格，不停學習，不停創作。
而我啱啱就係夾響呢兩代人中間嘅嗰代人，面對傳統與創新，不同年代對工藝美學的堅持，甚至對人生的睇法，確實有點小意思。
a little something 小意思
九龍深水埗大南街180號地下
