硬過地球！Nokia 3310傳本月回歸！

硬過地面、跌極唔爛、唔怕水浸、用足十幾廿年、甚至可以拎嚟擋子彈嘅Nokia 3310，於2000年推出。因為無堅不摧，依家已經係手機史上神話。知名手機資訊爆料者 @evleaks近日就爆料，話Nokia準備喺今個月嘅27號舉行嘅Mobile World Congress上，宣佈重製現代版3310！據講新3310只會具備基本手機功能，價位大約59歐元，即係約港幣$490，咁嘅價錢大家都唔預計有咩高端function啦。我剩係想知，新3310係咪仲咁堅硬，同埋有無貪食蛇玩。