啱啱舉行嘅任天堂發佈活動，宣佈咗新機Switch確實發售日期，就係3月3日，而最驚喜之處就係同日香港會係首賣地區，即係有行貨，亦好大機會會係中文機！咁中文機大家又擔心鎖區問題啦？今次講明冇鎖區，即係你部行貨機又可以玩中文遊戲，又可以玩日版同歐美版遊戲！價錢方面，日本賣29,980円未連稅，即係約2千港幣左右！
另外今次發佈會都介紹咗更多主機功能，其實主要係手掣啦，可以一開二嘅手掣，支援體感玩法，而且仲有名為HD震動嘅功能。另外機迷最關心係上網連線問題，香港有行貨，連線當然穩陣好多，而且推出初期會係免費用上網對戰功能，之後先會收費。
