早前Dyson在日本率先發售的無葉風筒Dyson Supersonic終於抵港了，6月30日開始預定至7月6日公開發售當天，原來香港的銷量已接近日本首周銷量的一倍，真係估唔到香港人口比日本少咁多，但銷量就竟然贏成條街，原因有三個，（一）成日要吹頭set頭的貪靚鬼、（二）分分鐘上落幾百萬的大忙人，連吹個頭都唔夠時間要極速吹乾、（三）有品味之人，可能係本身得幾條毛髮都會買部在家中擺，甚至乎用來玩獎門人遊戲超級無敵啜啜啜，絕對唔係誇張，Dyson Supersonic噴出來的風除了勁還夠定，的而已確可以將乒乓波穩定在半空。其實呢個風筒的好處真好多，穿窿無風葉，唔怕頭髮被扯入風筒，新研發的V9摩打，又細又輕，所以Supersonic拎上手一點都唔重，最緊要係好多風筒都有聲大無風呢個弊病，但Supersonic就正正相反，風勁聲少，係…三千幾蚊買個風筒好似好唔合乎經濟的原則，但實用又可以扮有品味兼且可以玩埋超級無敵啜啜啜，諗深一層真係唔算貴喇！
查詢：
捷成/ 2926 2300
