加藤忠幸（SSZ / BROCHURE / LANE BY BROCHURE / 加藤農園四代目）＋中田慎介（Unlikely / The▲Hermit Club / DAIWA PIER39）聯袂締造VANS TOKYO DESIGN COLLECTIVE BY TADAYUKI KATO & SHINSUKE NAKADA第3彈「HARAJUKU PUNK」（亦係最後一回與VANS合作）最終章釋出！
融合上世紀九十年代原宿及倫敦龐克風格嘅獨一無二系列，基本上，二人都同樣受到九十年代街頭文化嘅影響，當中裏原の風格和潮流更延伸影響現世代時尚；今回締造VANS新系列，於當時基礎上保持堅定不移風格之外，試著透過設計來表達出內心嘅Punk精神。「東京形象基本上是簡單而有基礎。但我想表達內心嘅叛逆精神，所以試著處處融入龐克精神」
其中寬鬆雙面Coach jacket、MA-1、多袋格紋恤衫，表面或內袋賦予從裏原時代就好欣賞嘅大小精緻傳統格紋圖案，運動衫 / 褲亦加上注入（Punk象徵之一）扣針圖案嘅VANS標誌，滿載英倫感覺。至於兩種格紋選擇Slip-On鞋款，鞋身加上圓點（菊穴風刺繡）圖案，Fat仕樣更注入綿填充物！
承接上次第2彈再度邀請野村訓市氏監修製作宣傳短片，表達出內心「呢啲就係我哋九十年代學到嘅龐克精神：磨礪尖牙，融入社會！」
