Snow Peak × TOKYO DESIGN STUDIO New Balance日前日本國内限定先行獨家釋出第五彈合作Niobium Concept 3 Capsule Collection，專為雪季戶外活動而設計嘅全新新型鞋款及服裝系列，並將於明年1月全球限定店舗販售！當中包括世界初登場の2WAY終極雪靴「TDS Niobium Concept 3 (N_C3)」、Snow Peak製作鞋款、羽絨外套和背心，以及日本專屬雪鞋都將限定發售。
與Snow Peak合作嘅「TDS Niobium Concept 3 (N_C3)」靴款，鞋身採用白 / 淺灰漸變色設計，靈感源自銀色雪地。內靴採用原創印花紡織品，紋理靈感來自寒冷冬日天空，並以日本詩人 / 童話作家宮澤賢治の詩《雨ニモマケズ》中部分摘錄圖形，表達出自然嘅莊嚴及人類內省嘅一面。
今回發表嘅TDS × Snow Peak N_C3所採用嘅鞋底，靈感源自上世紀九十年代作為越野型而廣受歡迎嘅MT580鞋款，採用平坦鞋底形狀，具有寬闊著陸面積，並在中底足弓處使用ROLLBAR（一種輕質、堅固嘅石墨材料，具有出色穩定性），可防止過度內旋。另外更配備 Vibram®大底，提高於濕滑路面上嘅耐用性和抓地力。鞋面採用雙層結構：外層由防水透氣材質eVent製成，採用PRIMALOFT®製成嘅雙層內靴，具有出色保溫性和防水性輕量中綿填充物，內靴可以取出，用作冬季露營時帳篷內著用嘅Room shoes。（每對售價¥49,500）
