經常令人人常歡笑嘅Jeremy Scott，作為MOSCHINO創意總監，所主導嘅2023春夏女裝系列再一次透過天馬行空嘅頑皮玩味創意，於滿載荒謬絕倫不確定性、負能量時代展現出樂觀主義！
水泡救生圈、救生衣能自救 / 救人一命，如吹氣公仔充滿得意性質（吹氣Biker jacket萬歲！），為你充氣打打氣，詮釋自家版本小魚仙The Little Mermaid，大玩沙灘裝Party animal元素，注入晚裝、晚禮服上，莊諧並重別具心思意義，幽默感呢回事，唧 / 迫唔到㗎，明就明，而且奉上童真調皮雙關語，卻又樂於真心．膠Have fun認真做實事！
