近期不停Loop住聽 / 睇NIGO〈Arya〉ft. A$AP Rocky之際，期待本年度最重要專輯之一《I KNOW NIGO》將於3月面世（Pusha T更聲稱係Album of the Motherf*cking Year），有Pharrell、Kid Cudi、Lil Uzi Vert、Pusha T、famlay、Tyler, The Creator、Teriyaki Boyz等＋Victor Victor CEO / 監製Steven Victor陣容！據悉，亦將會設立期間限定店！相信又有好多Tee、Baseball jacket、Cap要入手啦！YESSIR！
2月18日又有新單曲推出，唔知今次邊個助陣呢？
早前NIGO San推出HUMAN MADE / UNDERCOVER「LAST ORGY 2」系列之外，擔任KENZO藝術總監後首個限定系列「Boke Flower Collection」亦首先登場！系列名字源自日本kusa-boke草木瓜，一般二月盛開，向KENZO創辦人高田賢三先生致意；今回系列當然首選NIGO早前Show入面著用嘅褸款，而毛毯都係重點之一，KENZO.COM 、Dover Street Market、Luisaviaroma等同時上架！
選2月5日釋出，因為具象徵意義：日文NI = 2 & GO = 5
