咁易俾你估到嘅咩!一向擅長顛覆眼球 / 美學 / 思維模式 / 比例嘅Rick Owens,早前透過旗下DRKSHDW與Converse聯乘締造出Converse史上首對雙方形鞋頭TURBODRK Chuck 70,震古爍今,鞋款可追溯DRKSHDW SS14 Ramones系列中對Chuck Taylor All Star嘅不規則不按本子辦事嘅詮釋,展現出一道濃烈Punk精神!而新一回合作高筒 / 低筒Chuck 70則保留標誌性嘅立體圓形鞋頭,巧妙融合咗Chuck 70和DRKSHDW SS14 Ramones嘅鞋款輪廓線條;鞋面由18安士(約510克)斜紋棉布製成,沿用TURBODRK及TURBOWPN嘅獨到加長鞋舌設計,黑影與黑星,黑白兩色之選,吐露出濃妝淡抹蒼白與深邃,Converse x DRKSHDW DRKSTAR系列將於11月16日釋出!