被形容為OG goat稱號嘅NIGO® San就像個點石成金嘅魔術師，所參與企劃總會滿載個人風格，而且大受歡迎，最新例子是由佢監督嘅眼鏡品牌JINS&SUN，今回邀請合作無間嘅好友藝術家VERDY聯袂締造出專屬系列原創太陽眼鏡！
備受關注嘅VERDY，無論滿載美式字體嘅Girls Don't Cry、滑板文化Wasted Youth品牌，又或VICK原創公仔都散發出一股獨到美學；今次JINS&SUN×VERDY注入咗VERDY多種代表性元素，係一個「不論是任何人或任何埸合戴上，也能自由自在輕鬆搭配的全新太陽眼鏡系列」，眼鏡可阻擋99%紫外線之餘，同時亦配備彩色太陽眼鏡前框和裝飾網格前框，內置磁吸式貼片方便拆裝組合變身成唔同層次風格嘅透明 / 彩色鏡片，締造出6款設計，似玩具般充滿玩味。一向以Graphics為強項嘅VERDY，更為今個系列產品製作出附贈嘅眼鏡袋和眼鏡布，印上VICK揚名角色圖案，眼鏡袋採用高強度和有防水性Tyvek物料所製，更可當作斜揹袋使用！
