#touchING by Fai Gor Workshop（釘裝及盒子製作工作坊）
【本土起脊機的圓與美】
睇書都係為咗打開本書！係，邏輯上係有啲問題，但唔打開又點知書裡面嘅世界有幾深廣闊呢！所以打開書呢個動作順唔順暢，就好影響到閱讀嘅投入度。打開本書，瘋狂回彈，用手大力按住，又隱隱感覺到書脊正在裂開，那種焦燥不安，教人如何讀得安心稱心。
所以Rounding and Backing這個圓脊與起脊動作，除了帶來外觀的圓與美，全平鋪展開的書頁，也完美你的閱讀。尤其是紙質較厚實的，這個方法，使封面殼的脊背部分與書內襯的脊背部分分離開來，使得內襯擁有了舒展的空間，有空間就能好好躺平。
至於這部一入輝哥工作室，就靠在你左邊眼簾的黑金鋼起脊機，操作起來，手腳並用，一收一放，極有姿勢與架勢。這些手動機器，本是中文大學釘裝部之遺物，七十年代香港製造。本人就覺得佢好靚仔，成部琴咁！
如果大家想詳細知道Rounding與Backing嘅手法，屋企用鎚仔都做到（不過靚唔靚啫！）之後再叫輝哥示範．．．啦。
