杜拜好似咩都可能會大啲咁喎，正如呢架屬於「彩虹酋長」Sheikh Hamad bin Hamdan Al Nahyan嘅巨型Hummer H1 ×3，就比普通Hummer大三倍、體積大27倍！
「彩虹酋長」熱愛汽車，係阿聯酋王室億萬富翁成員，擁有世界上最大嘅Hummer H1，長46英尺、闊20英尺、高21.6英尺，內部如兩層樓高，實際上係一座有車輪胎輪嘅流動房屋；Hummer H1 ×3採用4台柴油引擎推動，可完全駕駛，最高時速可達19mph，使用美軍LARC-LX鋼製兩棲貨運車嘅框架建造，雖然車輛內部仍在開發中，但一樓設有廁所＋洗手盤、樓梯，而二樓則有一個私人賓客區空間。
