為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit

Café Siam 新地道依善泰菜飯堂

又係另一個悶熱嘅下午。掛住另一個熱辣辣城市,當然,就以美食去解一解呢種「鄉愁」,被泰國旅遊局組織「Thai Select」認可、1999年開業嘅泰國餐廳Café Siam相信係好多人嘅指定飯堂,早前更另增設鰂魚涌新店,為港島區另一方提供正宗泰國依善美食!

主廚Chef JohnnyWongsrithat yongyut)於鄰近老撾嘅泰國東北依善(Isan)地區長大,自幼就向祖母學習正宗泰國依善菜烹飪技巧,煮出一手正宗依善菜式,深受當地大自然環境影響,最喜愛以香料入饌,風味特別濃郁。另外撇除大量香草及新鮮原材料,Chef Johnny最愛使用一種傳統泰國調味料pla ra,由水煮魚與烤米粉和鹽發酵而成,然後於一個封閉容器中進一步發酵至少6個月,呢種昔日依善原住民喺炎熱天氣下保存魚肉嘅方法,正正成為Café Siam菜式充滿鮮味嘅主軸關鍵。 

Chef Johnny構思嘅餐牌料理,選用泰國地道香料及優質食材,炮製出別具特色招牌菜,包括依善菜必試嘅清新香濃肉碎生菜包、傳統炭火爐烤製而成嘅炭燒串燒(蒜香芫茜咖哩雞肉串、泰式蜜汁豬肉串)、濃濃牛肉味嘅辣燒牛扒沙律、比想像中辛辣嘅青木瓜沙律,主菜方面,備有大大隻虎蝦、由原個椰青盛載嘅椰汁焗飯、以黃咖哩及泰式香料醃製嘅三黃雞,盡情享受泰國地道風味;至於小編自己私心推介可另加(限量供應)椰子雪糕嘅芒果糯米飯,煙煙韌韌軟軟綿綿,嗜甜品人士必食之作

Café Siam 

鰂魚涌華蘭路12A-12H號地下8-9A

6469 0760

#cafesiam #thaifood #鰂魚涌美食 #太古美食