Banksy又發功！
今回，佢話好似好多有錢人咁，到咗人生某個階段，都要做同一類型嘅事：買遊艇！
當然啦，Banksy始終係Banksy，佢將售賣自己藝術品嘅錢資助購入名為Louise Michel號、30米長、28 knots嘅獨立高速救生艇，前身係法國海軍艦艇，粉紅色船身賦予Banksy其中一個揚名作品 #baloongirl 圖案（改為穿著救生衣女孩手持心形安全浮標水泡），由來自歐洲各地救援專業人員組成嘅船長和船員領航，會於歐洲最繁忙嘅水道之一地中海巡邏、搜索及救援，「維護海事法律並在不損害環境的情況下營救處於危險之中的任何人，認為國籍不應該影響一個人享有的權利，我們會回應所有遇難者的SOS訊號，不僅是為了拯救他們的靈魂，還有我們自己」，幫助橫越地中海嘅難民！
點解要整呢條自製應急船？因為歐洲多國會指示海岸警衛隊不要接聽「非歐洲人」發出嘅求救電話，而且當局會阻止其他船隻提供幫助，更逮捕船員並扣押咁樣做嘅船隻，令到呢班絕望嘅人好無助咁漂泊海上。
