呢個時勢，問霞姨俾個飯盒都唔易，但呢個可以填飽心靈嘅飯盒就真係想要！
台灣朱銘美術館與新北市農業局聯合舉辦、邀請20位藝術家參與嘅「光，和__作用」光雕藝術展之際，更推出「來嗑光，和作用」「填飽心靈專用便當」，唔食得但用得著嘅飯盒，$1台幣就買到？
表面上係一個以金山在地食材組成嘅普通鴨肉便當，但實質上係一個暑期藝術展覽 / 觀光宣傳企劃，飯盒入面嘅青菜、白飯、滷蛋、地瓜、鴨肉像真度極高，其實分別係Tote bag、毛巾、肥皂、野餐墊、金山景點Guide及活動簡介，憑著呢個咁實用嘅飯盒就可以金山一日遊！
想入手呢個「心靈專用便當」？即日起至8月15日，於台北南山廣場辦公大樓2樓服務櫃檯左側自動販賣機，每日中午12點開始只限定推出40個，每人只可購買1個，每個$1台幣，可以悠遊卡 / 一卡通 / LINE PAY付款！
