暑假度度都搞作多，海港城更加搞大佢，搵嚟日本玩具界潮物BE@RBRICK，今日起變身成熱辣辣沙灘嘅最新旅遊景點『海運觀點』觀景台，舉行海港城夏日派對「BE@RBRICK SUMMER CHILL」，足足30隻超巨大BE@RBRICK等緊大家喇！
有乜睇先？海港城『海運觀點』觀景台喺今個夏日變身成熱辣辣沙灘，30隻2,000%同3,000%嘅BE@RBRICK特別以8個全新夏日造型（包括夏威夷Oppa、比堅尼俏女郎、深海潛水員等）亮相，一邊喺沙堆同大家捉迷藏，一邊坐喺太陽傘下欣賞270度維港景色。佢地仲堆砌出2隻7,000%（4.9米）巨型「沙雕」BE@RBRICK向大家揮手，仲仲仲有8,000%（5.6米）果隻霸佔觀景台最佳位置曬太陽！
「沙灘」現場，仲有夏日清涼遊戲區、夏日水花派對同埋特設小賣部，推出5款海港城 x BE@RBRICK消暑限量發售系列，當中包括第一次同手工雪條店ISEE iSEE聯乘推出嘅珍寶鮮果雪條！。大家可以買埋珍寶雪條DIY模具、BE@RBRICK 鮮榨果汁、BE@RBRICK SUMMER CHILL毛巾、游泳圈，亦有機會免費換領呢啲限量精品，仲唔快啲去Party！
即日起至8月5日
上午10時至晚上8時
海港城「海運觀點」（海運大廈新擴建大樓頂層）
