今個暑假，海賊王來襲！講緊嘅係，水上競技樂園再度登場，破天荒Crossover經典漫畫《海賊王》，重新包裝活動場地，打造成全新風格嘅「海賊王水上樂園ONE PIECE Summer Park」。唔單止咁，同場仲有海賊王陸上狂歡樂園，勁多打卡位同攤位遊戲呀！
先講陸上，有室內經典回憶區，又可以親身走上烈陽號戶外巨型烈陽號甲板同Chopper泡泡世界，而大會亦專誠搜羅好多從未喺香港展出嘅展品，當中包括1:1比例嘅艾斯/薩波/路飛三兄弟、5米高Chopper同各種各樣嘅精品和紀念品，其中身高高達4米嘅巨型路飛4檔更加係第一次喺亞洲露面！
海賊王陸上狂歡樂園經已正式登場，而水上競技樂園就喺7月8日全面開放。場內有超過20個大型競技障礙，好似係體驗離心力嘅「路飛的橡膠橡膠滑梯」(6米高充氣滑梯)、挑戰膽量嘅「靈魂之王布魯克的巨蛋」(飛躍攀爬架)、考驗靈活性嘅「惡魔果實的試驗」(擺動馬卡龍)、講求平衡力嘅「懸賞令柱」(抱抱單柱)等等，挑戰各個關卡，難度同設計各有特色，而入場參加者年齡並無限制，小童只要身高達1米高就可以入場喇！仲唔快啲準備好，逐一挑戰草帽小子嘅水上障礙賽啦！
【ONE PIECE Summer Park】
地址︰大埔白鷺湖互動中心 - 大埔紅林路2號
聯絡電話︰2465 3468
開放日期︰即日起至9月2日
(海賊王陸上狂歡樂園即日起登場，而水上競技樂園則於7月8日開放予公眾。)
陸上樂園(海賊王)
https://www.facebook.com/onepiecelab.opl/
水上樂園(CORE)
https://www.facebook.com/corehkg/
