紅豆栗子麻糬冰凍甜點
上年，Häagen-Dazs引入期間限定嘅日本版雪糕後，想食嘅都要第一時間撲返嚟，而家就嚟喺日本瘋狂搶購嘅「華麗の盛會」麻糬系列，分別係「紅豆栗子麻糬冰凍甜點」同「櫻花麻糬冰凍甜點」，一齊搶喇！
紅豆栗子麻糬冰凍甜點，面層用上軟滑紅豆蓉同香甜栗子配搭，混合麻糬多重口感，紅豆雪糕仲加埋甘香栗子醬同黑糖醬，正喎！
花麻糬冰凍甜點
至於櫻花麻糬冰凍甜點，就以櫻花餡和菓子做主角，麻糬上鋪有一層酸甜櫻花醬，雪糕就係櫻花葉粉同優質牛奶融和而成，混合微鹹櫻花醬做點綴，呢個「櫻花三重奏」，最啱之前睇唔到櫻花嘅你！
兩款Häagen-Dazs雪糕日本直送，話就話四月中陸續登陸本港，即係隨時啦！7-11同日資超級市場發售，數量有限，售完即止。
