Sakura～Sakura～Starbucks全新春日櫻花系列浪漫登場

草莓蜜糖花見忌廉星冰樂®

星巴克白桃布甸杯

還記得櫻花正開……如櫻花盛開到落下……冇錯，又係日本櫻花Sakura準備綻放嘅時候，拎咗假去日本未？仲未？唔緊要，Starbucks帶你來一場櫻花之旅，又飲又食，仲有一系列春日櫻花系列Products，真係miniko i sakura ah e oh come and dance with me！ 

士多啤梨雪芳蛋糕

紅莓撻

紅莓牛角酥

想喺香港賞櫻，嚟Starbucks啦！全新草莓蜜糖花見忌廉星冰樂，以草莓忌廉星冰樂配上香甜蜜糖味鮮忌廉，鮮忌廉上灑滿草莓脆脆，配埋櫻花主題嘅凍飲杯、紙杯套同紙袋，十足十櫻花飄逸。另一邊廂，有齊全新白桃布甸、柚子布甸，同樣以櫻花主題嘅粉嫩包裝登場，加埋全新士多啤梨雪芳蛋糕，面層灑上櫻花脆脆，每一口都好幸福。同期推出嘅紅莓撻、紅莓牛角酥，一樣有櫻花同士多啤梨脆脆，叫人一試難忘。

春日櫻花系列商品

舌尖享受完，Starbucks仲等你大飽眼福。全新春日櫻花系列以櫻花花瓣做主題，將賞櫻嘅日夜景象呈現喺各款杯、隨行杯、凍杯同水樽上，令你愛不釋手。春日櫻花系列商品經已搶先登場，全新飲品同美食就喺26日全線香港分店發售。