買手信，上飛機，都可以食Lady M？不經不覺，Lady M已經開到第五間分店，入埋機場禁區，仲獨家推出「冷凍千層蛋糕」，等大家買手信上機帶到目的地，經解凍之後即可食用。
新店位於機場一號客運大樓嘅禁區內，相信會少啲人排隊Gua（應該係除非唔係）。機場店獨家推出嘅原個「冷凍千層蛋糕」，現供應「冷凍原味千層蛋糕」同「冷凍抹茶千層蛋糕」兩款皇牌口味，每個預先冷凍嘅蛋糕獨立密封包裝，配埋隨蛋糕附送嘅Lady M保溫袋同少量乾冰，長短途一樣Ok。
慶祝新店開幕，頭500位買到「冷凍千層蛋糕」嘅客人，仲可以免費得到造型獨特嘅糖果行李牌，全銀色亮面物料十分搶眼，而且糖果行李牌不設對外售賣，即係又要再排隊啦！
