近年講開洋娃娃，第一時間就諗起《Annabelle》，第二時間就係《娃鬼新娘》，總覺得內有惡鬼。查實，你細細個都玩公仔啦，邊得嚟咁多Annabelle！好似呢位來自哈薩克斯坦嘅藝術洋娃娃收藏家Yelena Churilova，佢視一個個洋娃娃公仔係自己個女，總共有成600幾個囡囡（精緻娃娃）呀，全部都係世界各地知名娃娃藝術家精製而成，今日起帶咗大約70個嚟香港，畀大家望幾眼。
今次呢70位公仔佳麗，分別來自俄羅斯、德國、意大利、波蘭、瑞典、加拿大等地，各有風格，各有神態，各有靈氣，全部都係獨一無二、全手工製作，要足足一年時間先至製作完成，非常講究。
據講，呢啲洋娃娃好多時都喺博覽會或者收藏家手上購買，價值連城架，即管去望下Annabelle喺唔喺現場啦！
DOLL’S HOUSE
